Ons Preekspan

Die KSM preekspan werk saam om die geestelike leierskap, visie en rigting van KSM te vorm en uit te leef. Kontak hulle gerus met enige geloofsvrae of ander sake wat op jou hart lê.

Fanie het in 1996 by KSM aangesluit en is in 2008 as leierpredikant aangestel. Fanie is passievol oor eietydse kerkwees in ‘n veranderende wêreld. Hy is lief vir sport en is avontuurlustig. Hy is getroud met Lynne en het twee kinders, Christo en Carla.

Colin het in 2007 as Jeugpredikant by KSM begin. Hy is lief om die Bybel oop te breek vir mense die aanbieding van Bybelstudies en Bybelskool. Hy het ‘n passie vir huwelike, sy gesin en motors. Hy is getroud met Anrie en het drie kinders, Graham, Brian en Clarissa.

Neels het ‘n passie vir kerkwees in die 21ste eeu en glo dat alles wat ons by die gemeente doen, moet voortspruit uit wie ons in Christus is. Hy is baie lief vir die buitelewe, lees, sport en sy honde. Neels is met Chrisna getroud en hulle het twee seuns, Theodore en Christoff.

Gerrit is sedert 2022 deel van die KSM-span. Hy skryf graag, en het verder studeer in eko-teologie by die Universiteit van die Vrystaat. Hy is getroud met Chanelle en het twee kinders.

Stefan is van begin 2022 leraar by KSM. Hy het by Stellenbosch in praktiese teologie gespesialiseer. Hy het ‘n passie vir die buitelewe, liefde vir mense en die kerk.

Stephan is ‘n spreker, prediker, leierskapkonsultant en skrywer. Hy is die stigter van e-Kerk wat ‘n aanlyn platform is wat Christelike groeimateriaal en meer aan mense regoor die wêreld verskaf. Hy is getroud met Marietjie en het twee dogters, Tarien en Elani.

Johan werk al meer as 30 jaar met adolessente, ouers en gesinne. Hy is ’n ywerige skrywer, aanbieder, predikant en spreker. Hy is getroud met Helena. Hulle het drie kinders wat gelukkig getroud is. Sy kleinkinders is sy trots en vreugde.

Ons Preekspan

Fanie Venter

Colin Smith

Neels Marais

Gerrit Visser

Stefan Fourie

Stephan Joubert

Johan Smith