Persoonlike

Sorg

Beradingsdienste

Pastorale berading en volwasse- en kinderterapie vir persone wat deur emosionele trauma gaan, iemand aan die dood afgestaan het, emosioneel swaarkry, in finansiële nood is, geskei, verslaaf, werkloos of siek is, sukkel om kop bo water te hou of soms dalk voel alles raak net te veel. Die Netwerk vir Lewe Sentrum beskik oor ʼn uitgebreide netwerk van professionele persone en vrywilligers wat hul dienste beskikbaar stel om jóú te ondersteun.

As jy dalk die behoefte het om te gesels, maar ongemaklik is om ʼn afspraak met ʼn berader te maak, of jy vind dit makliker om per e-pos te kommunikeer, of selfs dat jy net verkies om anoniem te bly, gesels gerus met ons.

Wees asseblief verseker dat alle oproepe en/of e-posse uiters sensitief en vertroulik hanteer word.

Kontak:
Netwerk vir Lewe Sentrum 012 663 1610 | berading@ksm.co.za
Predikant op-roep 083 489 0180

Maatskaplike sorg

Bystand, ondersteuning en emosionele- en geestelike ondersteuning aan persone in finansiële nood en krisis.

  • Program bestuurder: Ria Mardon
  • 012 663 1610 (kantoor ure)
Hulpverleningsaansoeke

Siekesorg

Besoeke en berading aan persone in hospitale of tuis. Ons gee bystand, emosionele- en geestelike ondersteuning aan persone geraak deur die dood van ʼn geliefde na ʼn siekbed. Wanneer nodig is ons beskikbaar vir sterwensbegeleiding en -berading.
Kontak Netwerk vir Lewe Sentrum: 012 663 1610

Predikant op-roep: 083 489 0180

Beroepsforum

Mense tussen werke en werkloos

Die Netwerk vir Lewe Sentrum bied ʼn forum en ondersteuningsnetwerk aan vir persone tussen werke of wat werkloos is. Werksoekers se ondervinding en kwalifikasies word in ʼn weeklikse Beroepeblaadjie geadverteer. Hierdie blaadjie dien dan ook as ʼn gratis bemarkingsdiens vir werkgewers wat beskikbare poste en werksgeleenthede wil adverteer.

Tyd en plek:

Die forum word op Vrydagoggende van 08:00 tot ongeveer 11:00 by kerksondermure Hippolaan aangebied (skoolvakansies en openbare vakansiedae uitgesluit). Tydens hierdie sessies word verskeie temas deur professionele persone aangebied en bespreek, ʼn veilige ruimte geskep waar mense opleiding en begeleiding kry in vaardigheidsontwikkeling, loopbaan aangeleenthede, ens.
Kontakpersoon:

Inge van der Merwe
 012 644 0545

SingleSonderMure

By SingleSonderMure wil ons omgee vir, en God se liefde uitleef na eensame- of alleen-mense toe, ongeag hulle ouderdom.

Die SinglesonderMure Groep het ontstaan deur ‘n behoefte van Christen alleenlopers (met of sonder kinders/kleinkinders), om te kan sosialiseer en te kan ‘connect’ met ander Christen alleenlopers.

Ons verstaan hoe moeilik dit vir ‘n enkelpersoon is om sommer net te kan uitgaan, te gaan braai of  fliek, of te gaan pret hê sonder om iewers soos die spreekwoordelike “vyfde wiel aan die wa” te voel.

SingleSonderMure kom tans een keer per maand op sosiale vlak bymekaar, en gedurende die maand moedig ons lede aan om funksies en kursusse wat deur die kerk aangebied word, by te woon. Ons aktiwiteite behels onder andere: Opbouende en Geestelike Praatjies, Selfverrykingskursusse, Bring-en-Braai’s, Speletjiesaande, Uitstappies (hikes), Kampe, en nog vele meer! Kostes word tot die minimum beperk – ons weet immers hoe enkelpersone soms elke sent moet omdraai, en weer omdraai…

Kontakpersoon:
Rita Barnes 012 663 1610