Ons sien dat verskillende generasies Sondae langs mekaar sit, hoorbaar saam sing, en vir ure saam koffie drink. Ons hoor van kinders, tieners en jongmense wat die hele week uitsien om Sondae met hulle vriende by die kerk met mekaar te kuier.
Ons kan getuig van mense wat saam die Jesuslewe ontdek, in hulle geloof groei en nuwe mense nooi wat inskakel en dan tot geloof kom. Ons beleef hoe mense in ons gemeente sonder oordeel na mekaar omsien, vir mekaar sorg, en vir mekaar bid.
En dan hou ons aan streef om nog méér na-buite te leef, om aan te hou kerke plant en die goeie nuus te verkondig sodat ons ‘n seën kan wees vir ons stad en die nasies.
Jy is reeds deel van hierdie gemeente se impak. Ons het nodig dat jy finansieel bydra sodat hierdie impak kan voortgaan. In Oktobermaand, tradisioneel bekend as die “10de maand dankoffer maand”, skep ons die geleentheid vir elkeen om ‘n addisionele dankofferbydrae te gee soos wat die Here dit vir jou moontlik maak.
Wanneer jy begin gee...
God het jou so lief. Dit gee Hom soveel vreugde om jou te versorg en te sien hoe jy uit dankbaarheid met opregtheid en grootmoedigheid dit deel wat vir jou uit absolute genade van God self gegee is.
Hierdie maand kry jy die geleentheid om dankie te sê vir alles wat jy die jaar uit genade alleen ontvang het deur dit met die kerk en die gemeenskap rondom jou te deel.
Wanneer jy begin gee, selfs net ‘n bietjie, maak jy ‘n deur oop vir God om ‘n rol in jou geldsake te speel. Dit gaan nie oor die presiese persentasie nie, dit gaan daaroor om te leer om op God te steun met jou finansies.
Leef met ‘n oop hand en hart
Dankie dat jy belangstel om KSM finansieel te ondersteun. Ons glo almal moet ‘n plan in plek hê wat hulle help om bydraes tot die werk van hul plaaslike kerk te maak.
Bankbesonderhede
kerksondermure
Absa
Tjekrekening: 2890580095
Takkode: 632005
Payfast
Social Upliftment Services (SUS) is ‘n openbare weldaadorganisasie van KSM wat fondse na verskeie projekte laat vloei. Art. 18A-belastingaftrekkingsertifikate is beskikbaar vir alle bydraes aan SUS-projekte. BB SEB-voordele is van toepassing op spesifike projekte.
Dankie dat jy KSM finansieel ondersteun
Jou bydrae maak dit moontlik dat ons, saam, kan loof, getuig, en dien. Hier is ‘n paar voorbeelde van hoe kerksondermure dissipels maak, verhoudings herstel, ons stad seën en kerke plant. Vir meer inligting, of om op ander manier te dien, kontak info@ksm.co.za.
